رائعه من روائع طلال السعيد

لا صار خـلـّـك مستحق المسـبـّــة
....................سبـّــه ترى العشــاق غيرك يسبــّــون

لا آبوه لا آبو الحب من قلب سبـّه
....................لا آبو الغرام اللي يحدّك على الهــــون

يا لعن أبو قلب غشيم يحـــبـــّــه
....................ملعــون والقلب اللي يغـليه ملعــــــون

أقول من هبـّــاك يا خبل هبـّـــــه
....................الدون ما يســلك معــاهم سوى الدون

عزّ الجفا ولا هـــوان المحـــــبة
....................مآخوذ من يصـــبر على الذل مغـبــون

أظهر قواة البـأس والضعف خبـّــه
..................ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه
................أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه
............أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــة
..............أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــة
............إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه
.............مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة
...................وإن وخـّـروا وخرت والعــز مضمــون

ترى غلا هالوقت هبـّـة وهبـّـة
.............إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه
............لا تـرتهـــي يـجـيــــك يوم ويــصـــــدّون

قبل يذبـّــك ناب الأرداف ذبـّــه
............ترى حلاة الرجـــــل طـــاعن ومـــطـعون

كم عاشق خلـّـوه من غير سبـّـه
..............يصفق بكــف كف ما يــدري وشـــــلون

ما له جدى يا كــود دمع يكبـّــه
...............عليه سيف الهــجــــر والصــد مسنــون

هـــذا مـن أول يـــوم لو دلّ دربــــه
.................ما دشّ في دنيـــا المجــانين مجــنون

لـكـن تـبـــع قـلبـه وقـلبــه لعـب بـه
................واليوم يبــغى عون ما حصـّـل العــون

روّض فؤادك يا إبن الأجـواد ربـّـه
..................البيض ما يصــلح لهــن كـود فرعـون

وإلا ضعـــيف النفس دايم مسبـــّـة
..............ودّك مســـاكين البشــــــر ما يحبـّـــون

يسلـــــــــــمو ابو طلطل
دائما مواضيعك تقاس بالحكمة والمتعة والفائدة


لا صار خـلـّـك مستحق المسـبـّــة
....................
سبـّــه ترى العشــاق غيرك يسبــّــون

يامعشر العشاق وصلت معك الى هالدرجة

المسبة ** وشله المحبة اصلآ


لا آبو الغرام اللي يحدّك على الهــــون

أظهر قواة البـأس والضعف خبـّــه
..................ترى الضعيف ضعـــيف لا طعـــم لا لون

ليه حرب هي
كل السالفة عشق وشق حلق

الرأس ما أحــد يقطــعه غير ربـّــه
................أقول عزّ النــفــس ما أقول لك هـــــون

وصلت لقطع الرقيب
يا دافع البلاء


خلـّــه يولـّــي لا يذلـّــك بحبـّـــــه
............أبعـــد وتلــقــــاهم على البعـــد يدنـــون

في ذي عز الله صدق يابن السعيد

الرجل عـقــله دائماً قــبل قـــلبــــــه
.............مـاهو عمــى بالقلب ومفــتـّــح عيـــــون

اشك ؟؟؟؟؟

روّض فؤادك يا إبن الأجـواد ربـّـه
..................البيض ما يصــلح لهــن كـود فرعـون

انا اشهد هذا بيت القصيد