مــدخــل{
من يحب إنسان ناقص ؟
ما معاه إلا "الجروح"
إنت في الغيبات راقص !!
وآنا[ موتي ] من تروح !
تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !
تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!
عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !
أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!
مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!
مــخرج }
ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!
موضوع: من روائع الشاعر أحمد الصانع 
السبت أكتوبر 17, 2009 9:19 am
