سعد بن جدلان الاكلبي

[b]الشاعر سعد ابن جدلان الاكلـبي من اكبر الشعراء في العصر الحالي وهو شاعر لجميع انواع الشعر (العرضة - المحاورة - النضم - الشلة - الموال ) وقليل من الشعراء من يستطيع ذلك وهو من رموز الشعر في المنطقة الجنوبية وقد دخل قلوب الناس عن طريق الشعر الفكاهي والشعر الاجتماعي
وهذه بعض قصائد الشاعر

لا شـان حظـك والليـالـي تحـدتـك=أصبر عليها والصبر زين لو طال
لا تنحنـي للوقـت وتـروح هيبتـك=تصفق بك الايام من جال في جال
وان كان همك بالزمن بس لقمتك=الـفـول بريالـيـن والخـبـز بـريـال
قصيدة اخرى عندما اصيب الشاعر بفقر دم

يافقر قلي وش تبي مـن ورانـا=زودِ علـى فقـر الدراهـم فقـر دم
ما حاشـت يدينـا غدابـه عطانـا=نبذل ولا تحسب يدينا عطت كم
ولابـه رصيـدٍ عندنـا مـن يدانـا=الا الفعول الطيبه وخشيـة الـذم
لو نستلف حق الغدا من عشانا=نصبـر ولـو احوالنـا كلهـا هــم
قصيدة اخرى

ودنـا بالطيـب بـس الدهـر جحـاد طيـب=كل ما تخلـص مـع النـاس كنـك تغشهـا
يـدك لامـدت وفـا لا تـحـرا وش تجـيـب=كـان جاتـك سالمـه حـب يـدك وخشـهـا
كلمـا شبيـت نــار المحـبـه مــع حبـيـب=قـام يسـحـب فــي مشاهيبـهـا ويرشـهـا
كل ما واجهت لك في زمانا وجه غريب=مثـل مـا قـال المثـل دام تمـشـي مشـهـا
ذمــة ماهـيـب تنـقـال للـحـق المصـيـب=جعل قشـاش الحطـب لا سـرح يقتشهـا
...
وهذه من طرائف ابن جدلان
جاء يوم من الأيام وصله رجل لمشوار وسيارته ددسن قديمه
يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي
فأضطر الشاعر / بن جدلان أن يوافق لأنه يبي يرد الجميل فقال :

يا راكب اللي دركسونـه دركسـون=ومكينتـه تحـت كبوتـه مكيـنـه
وسويكه سويك والطبلـون طبلـون=ويسـاره يسـاره ويمينـه يميـنـه
وان كان كفراته برجستونٍ برجستون=واللي ماهي زينـةٍ ماهيـب زينـة
يمشي على الهون لا مشوه بالهـون=وإن كنهـم شاحطينـه شاحطينـه
ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ
ويقولون كان معه مرسيدس من الأولات وقابله في الخط سيارات مرسيدس من التاليات اللي مقصوص خشمها من قدام (الفنس)
و يوم شافها تعدته هو وموتره قال:

وخري يالفنس عن سمح الاقبالي=لعنبوا ذاالوجه وجـه الفلبينـي
ماضهرتي غير في جيلنا التالـي=في غلا المعزا ورخص البعاريني
ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ
كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق.
يوم حضروا كل الضيوف قال أبن جدلان للمعزب :
انا عندي قصيده فيك ودي أقولها.
قال المعزب:
تفضل يأبن جدلان:
يوم خلصت القصيده!!
حب المعزب يمزح مع أبن جدلان قال له:
ماودك تقول قصيده في السلقه!!
قال له أبن جدلان:
القصيده كانت في السلقه. بس يوم شفتك قلت أنت ولا السلقه!!!
ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ
سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي :
قال بن جدلان :

على جناح الباميه وقّع الفـول=والكوسة الخضرا تحب البطاطه ...
.............
محبكم // نايف المورقي
ما تقدم منقول من منتديات شاعر المحاورة المعروف/فلاح المورقي
-------------------------------------------
وأزيد على ما تقدم ما قرأته له من بعض الطرائف في بعض المنتديات
ومنها:
انه في ذات يوم ذهب يبحث عن معرفة له في ديار بادية الفزع من خثعم
فلم يجده او يجد من يدله عليه وبينما كان يبحث عرّض على فريق من البادية
في تلك الانحاء واذا بتلك المرأه في طريقه تمشي جهة الفريق
فأوقف سيارته وسألها عن الرجل الذي يريده واعطاها اسمه
وهل هو من هؤلاء الفريق كي يقلط عليهم والا 00لا
فتلكات المراة وأخذت تماطل في الجواب وتبعد به عن مراده من الحديث
فقال لها على ضوء ذلك بيتا من الشعر ؛فقالت:وش ذا البيت اللي كنه من بيوت ابن جدلان
فقال:انا ابن جدلان،فقالت: قل والله، فقال:والله، فقالت:
(سبحان من حط ذا اللسان الزين في ذا الوجه البخ)
وسعد ليس بدميم فهو مقبول الشكل والخلقة ولكن المرأة كانت تظن من كثر ما تسمع عن سعد
وعن شعره وشهرته انه على درجة عليا من الوسامة والجمال
والبخ في لغة الفزع يعني الشين وهو معنى مضاد للمعنى الأصلي
لهذه الكلمة في الجاهلية وصدر الاسلام؛ اذ كانوا يقولون :بخ 00 بخ00 تعبيرا عن الاستحسان
ولكنها تحولت الى المعنى المضاد مع الزمن فصارت تعني الاستهجان والشين
ولم تعد هذه الكلمة العربية الأصل فيما سمعت لم تعد تستعمل الا في لهجة قبيلة الفزع الكريمة
وهناك مواقف طريفة لسعد سوف نظيفها لكم لاحقا باذن الله0 0
@@--من المواقف ايضا لابن جدلان وسرعة البديهه عنده جاء اليه واحد وقال: يابو محمد انا عندي قصيده ولي فتره وانا ادورك واليوم اطلبك تسمعها... قال سمعنا
قال انا لي ثمان شهور والتاسع اللي هل ..... الخ
قال له بن جدلان قرب الفرج ان شاءالله !!
@@ -وكان فيه واحد يعرفه ( ابن جدلان ) معرفه سطحيه.
قابله ( أبن جدلان ) مره من المرات وقال له:
(كيف حال الشايب)؟
قاله:
(ياخوي الشايب متوفي العام وانت قد عزيتني فيه)
قال أبن جدلان:
(أثره بعد على موته اللي أنا خابر)
@@--كان فيه واحد من جماعة أبن جدلان أسمه ( مهنا) يقرض الشعر وكانو معزومين في أمسيه
وكان ( مهنا) وهم يمشون بالسياره رايحين صوب مكان الأمسيه يسمع (أبن جدلان ) قصيده. يوم كمل (مهنا) القصيده قال :
هاه وش رايك يا أبن جدلان في القصيده!!!!
قال (أبن جدلان) :
تبي نصيحتي!!!
قال(مهنا) :
أكيد أبي أسمع نصيحتك!!!
قال أبن (جدلان):
قصيدتك هذي مهيب قصيده!!!
ونصيحتي لايسمعها أحد غيري!!!
يوم أنتهت الأمسيه جاء شعراء واجد يسمعون (أبن جدلان)قصايدهم !!
وكان (أبن جدلان) يسمع من بعضهم مجامله !!!
في الأخير جاءاليه أحدهم وقال قصيده ضيقت صدر (ابن جدلان) يوم خلص راعي القصيده. قال:
هاه وش رايك يابو محمد؟؟
ناظر فيه أبن جدلان وقال:
(ياحليلك يامهنا)0[/b]

استمتعت كثيرا بما كتب عن الشاعر ... بن جدلان

جهود جباره منك والله لايهينك

تقبل تحياتي

» قصيده الشاعر سعد بن جدلان