احلامي مشرفة منتدى عالم حواء
عدد المساهمات : 92 تاريخ التسجيل : 08/10/2009 الموقع : الرياض
| موضوع: حال بعض الزوجات الإثنين أكتوبر 19, 2009 5:46 pm | |
| بعد شهر العسل الساعه 6:30 صباحا ================ تودع زوجها وهو طالع للعمل وتقول له بتوحشني يا حبيبي الساعه 11 صباحا ============== تتصل عليه في العمل وتقول له حبيت اسمع صوتك بس يا عمري
الساعه 3 العصر ============= تستقبله وهو متشيكه وهو داخل للبيت وتقول له الغدا جاهز يا حياتي ..تحب احطه لك الحين ؟
الساعه 5 العصر ============= تصحيه من النوم وتقول له اعمل لك شاي يا حبي ؟
الساعه 6 المغرب =============== تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري و قبل ما ينطق بكلمه اذا ما تقدر خلاص مو لازم....................... .................... وطبعا يضيع هو في نظره من عيونها ويوديها لاهلها ولو انهم ساكنين في اخر الدنيا .............................. ...........الساعه 8 بالليل ============= تتصل على الجوال وتقول اشتقت لك يا عمري .. يا ريت تمرني ونروح للبيت فيطمر ويقول للشباب اسف والله يا شباب راسي مصدع ولازم امشي ......................
الساعه 10 بالليل ============== تجلس جنبه وتقول الله يا حبي تتذكر ؟ تتذكر ايام الملكة لما كنت تعمل المستحيل عشان تكلمني ............الخ السواليف
بعد مرور عشر سنوات تفريباً...... ملاحظة: وليس كل الناس كذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
****************** الساعه 6:30 صباحا =============== هي في سابع نومه
الساعه 11 صباحا ============== هي برضه في سابع نومه
الساعه 3 العصر ============= تستقبله وهي نافخه خشتها وتقول شف لي حل مع ولدك علي هذا ..حتى الان ما حل الواجب .. وسوير الله ياخذ عمرها***** الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يمه ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا ياهالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم #### ما تدري ان اسرار بيتهم كلها عند الجيران من لسانها هاللي وش طوله###### و …و …..و ........................... وضاع المسكين من كثر هالقرق.........
الساعة 5 العصر ============= هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …و........و ..الخ
الساعه 6 المغرب =============== هو جالس يشرب الشاهي وهي تقول نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم …………..
########وفي هاللحظه فكر هو انه يشتغل ليموزين احسن "
الساعه 8 بالليل ============== تتصل على الجوال وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 ولا تتأخر............
الساعه 10 بالليل ============== جالسين هي وياه .. يتعشون.. بهدوء ..والعيال نايمين ..والجو جميل ..وفجأه تطالعه وهي ماده بوزها وتقول الحين امك وش عندها اليوم ما ترد يوم اني سلمت هاه ؟ واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد .............................. ........و تسكت شوي بعدين تقول وبعدين اختك فاطمه يوم انها تقول ان علي ولدي يشبهني ما يشبه ابوه وش قصدها هاه ملاحظه علي هو اشين اخوانه انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم...... ................... يسكت وما يرد ,............. تسكت هي ثم تقول وبعدين اخوك شاري لحرمته ساعه قيمتها عشرين الف ريال.......................... .....؟؟؟؟؟؟؟ يرد طيب وشالمشكله ؟ وانا ليش ما تشتري لي ..والا انا مااستاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ
###########خلاص اشتري لك######################
ساعه تعصب وتقول ايه تسكتني بهالكلام ….والله لانت شاري ولا شي وش تبيني اقول يا بنت الحلال ؟ تقوم وهي تبكي خلاص ما ابي منك شي............................ .............
الساعه 11 بالليل
=============== هي زعلانه ونايمه مع العيال وهو الله يرحم حاله.......................... ..
منفووووووووووووووووووووووووووو ووووووول | |
|
السحس المشرف العام على المنتدى
عدد المساهمات : 278 تاريخ التسجيل : 07/10/2009 العمر : 39
| موضوع: تحول غير بسيط الثلاثاء أكتوبر 20, 2009 3:14 am | |
| والله من هالخروف اللي قاعد يسمع وهمه لا تنام عند العيال ,,,, الهدي النبوي ( هجر الزوج للزوجه في المضاجع ) >> ولا اسهل منها <<وكما ذكرت اعلاه لا دقت عليه وهي عند اهلها ,,,, وتلعب عليه اشتقت لك ,طامرعلى اخويه يمكن يطلع ما يستأذن بفارق... >>>خلها حتى اهل يستثقلونها <<< تعال الساع 4 الفجر - 6,,, لا تحدد موعد جيتك تاخدها ... واذ خذتها اضحك وسولف ... >> على حسب << كل منا يعرف شهر العسل بشهر التمتع ,,,, الصحيح شهر تغير الانماط بين الطرفين على بنيان كيان واحد يقتنع به الطرفين لتسهيل العبئ بينهما , والاتفاق بتوزيع المهام ليتمتعمون بالرضا, لابد كل منها يشيل كثر الثاني هذه الشراكه ,,, اما ماذكر اعلاه هذي صفات زواج المتعه عند الرافضه ...موضوع يستاهل النقاش... | |
|
احلامي مشرفة منتدى عالم حواء
عدد المساهمات : 92 تاريخ التسجيل : 08/10/2009 الموقع : الرياض
| موضوع: رد: حال بعض الزوجات الثلاثاء أكتوبر 20, 2009 6:52 pm | |
| اسعدني وجودك يالسحس ومشكور عالرد وانا من وجهة نظري اشوف ان مسار العلاقة الزوجية صعب يتحدد من شهر العسل لان هذا الشهر له طابع خاص وعادة يكون الزوجان مايتصرفوا بطبيعتهم لان الخجل بيكون سيد الموقف فتلقى كل واحد منهم يراعي مشاعر الثاني لابعد الحدود ويدور رضاه باي طريقة
لكن مع مرور الايام يتعرفون على طباع بعض اكثر ويمرون في مواقف كثيرة مامروا فيها اثناء شهر العسل ومن خلال تعاملهم مع هذي المواقف يبدأون يتفقون على حلول معينه ترضي جميع الاطراف يعني انا اشوف ان السنة الاولى من الزواج تؤسس قاعدة حياة الزوجين
وبالتوفيق للجميع في حياتهم الزوجية | |
|
دآنــہ بـعين بحآرهــا المراقب العام
عدد المساهمات : 310 تاريخ التسجيل : 27/09/2009 الموقع : في قلـب خلـي~
| |